زهيريات
للشاعر كاظم اسماعيل الكاطع
مرات ياصاحبي ايام عمري المضن
ما وقعت عالسفر هن بجوازي المضن
شاجور دهري امتله ثلاثين بيه المضن
نغزات احس بالكلب وامسيت مالي كيف
جي جيت من الدفن ولكيت عدهم كيف
غلطه الشاطر بالف والغلطه صارت كيف
وكت الحيايا دفه بانياب سم المضن
************************************************
قصة العليه سدت من كل غريب اغراب
انه غريب بهلي واهلي عليه اغراب
من دون كل النجم نجمي بسماك اغراب
عليت مني الكلب من عندك انه شعل
حاركني حبك حرك شاعلني وجدك شعل
جانن طيور الكلب كلهن مساكي وشعل
شنهي الجره ياتره وصارن اليوم اغراب
************************************************
يجرحي الملتهب كرص بروحي وصل
والله ملزم سره بدكتور لو كص وصل
مافاد بيه الدوه لدغات عكرب وصل
والله محروك كلبي والجمر واجبه
لو ازحف زحوف انطي للشعر واجبه
لولايتي جيت وادري بجيتي واجبه
يالما تكطعون مانكطع وياكم وصل
***********************************************
لو ادري الروح تضعف في هواك وترك
ماجان صار الجفه ووياه برود وترك
صعبه اسئله هالزمن ماخله بيهن ترك
حتى الحشه ذاب من هجرك غدا موحشه
يالعفتني بليل ودروب العمر موحشه
ضليت اسب بيك منعوني وكلت موحشه
مو عربي واخاك اهلك لوعجم لوترك
***********************************************
نسيان الاشواك من بعدج جفاف ومحل
وبلبلة الروح غيرج ياسلوتي محل
والكال انه انساج كليله كلامك محل
يا اول اثمار بستان المحبه شطب
واسياط جور الدهر سون ابدهري شطب
وسنين الفراك كلت الهن عليمن شطب
ردته يحل ياختي دهري وعاند محل
الرئيسية 
اليومية
